Arif Əsədov: “Qırmızı vərəqə aldıqdan sonra toparlanmağı bacardıq”

“Oyuna çox ciddi hazırlaşmışdıq. Zaqatalaya oyundan iki gün öncə gəlmişdik. Bütün bunlar matça nə qədər ciddi hazırlaşdığımızı göstərir”. Futbolxeber.az-ın məlumatına görə, bu “Neftçi”nin baş məşqçisi Arif Əsədov deyib.

Əsədov “Simurq”la matçın ilk yarısında istədiklərini oyunu sərgiləyə bilmədiklərini qeyd edib: “Hesab edirəm ki, nəzərdə tutduğumuz oyunu nümayiş etdirdik və qələbə qazandıq. Düzdür, ilk hissədə istədiyimiz oyunu göstərə bilmədik. Fasilədə isə dəyişikliklər edib, lazım olan nəticəni qazandıq. Qırmızı vərəqə aldıqdan sonra toparlanmağı bacardıq və qol vurduq”.