Dani Quintana: “Azarkeşlər Azərbaycana əbəs yerə gəlmədiyimi görəcəklər”

“Bu gün “Qarabağ”ın heyətində ilk oyunu keçirdim. Meydana çıxmaq mənim üçün vacib idi. Çünki uzun müddətdir ki, oyun praktikam yoxdur. Yalnız məşqlərlə kifayətlənirəm”. Futbolxeber.az saytına verdiyi açıqlamada bu sözləri “Qarabağ”ın yeni transferi Dani Quintana deyib.

U-21-ə qarşı baş tutan yoxlama oyununda meydana çıxan ispan yarımmüdafiəçi debütunu qolla qeyd edib. Quntana bildirib ki, qol vurması önəmli deyil. Əsas olan komandasının uğurudu.

Quintana “Qarabağ” haqda geniş məlumata sahib olmadığını vurğulayıb: “Klubların çoxunu tanımıram. Turlar keçdikcə, digər komandaları da tanıyacağam. “Qarabağ”a kömək etmək üçün burdayam. Əlimdən gələni edəcəyəm. Azarkeşlər də bura əbəs yerə gəlmədiyimi görəcəklər”.