“Neftçi”: AZAL-a texniki məğlubiyyət verilməlidir

Dünən ölkə kubokunun 1/4 final mərhələsinin ilk oyunu çərçivəsində baş tutan “Neftçi” - AZAL (0:0) matçından sonra meydan sahiblərinin narazılığı var. Futbolxeber.az-ın məlumatına görə, “ağ-qaralar” rəqibə texniki məğlubiyyət verilməsini istəyir. Belə ki, “Neftçi”nin iddiasına görə AZAL-ın heyətində meydana çıxan Aleksandr Şemonayev cəzalı olub və onun dünənki matçda meydana çıxması qeyri-mümkün idi. Çünki Şemonayev son dəfə kubok oyununda meydana çıxdıqdan sonra cəzalı olub. O, ötən mövsüm ölkə kubokunda AZAL-ın heyətində “Qarabağ”a qarşı baş tutan oyunda qırmızı vərəqə alıb və 1 oyunluq cəzalanıb.