Qurban Qurbanov: “Bakı”nın həm məşqçi, həm gənc oyunçuları ürəylə işləyirlər”

“Qarabağ”ın baş məşqçisi Qurban Qurbanov Azərbaycan kubokunun 1/4 final mərhələsinin ilk oyununda “Bakı”nı 3:0 hesabı ilə məğlub etdikləri oyun barədə danışıb. Futbolxeber.az-ın məlumatına görə, Qurbanov qələbə münasibəti ilə komandasını təbrik edib: “Azərkeşlər üçün hardasa maraqlı oyun alındı. Çox qollar gördük. Komandamı təbrik edirəm. Qarşıda hələ ikinci oyunumuz da var. Qrafik çox sıxdı. Oyunçularda istər-istəməz yorğunluq hiss olunur. Biz çalışırıq hazırlığımızı yüksək səviyyədə saxlayaq. İbrahim Uzunca ilə oyundan sonra söhbət etdik. Bu vəziyyətdə oynamaq, çalışmaq çox çətindi. Amma buna baxmayaraq həm məşqçi, həm gənc oyunçuları ürəylə işləyirlər. "Bakı"ya uğurlar arzulayıram".