“Xəzər Lənkəran” “Böyük oyun”a ciddi itki ilə çıxa bilər

Premyer Liqanın 21-ci turu çərçivəsində “Neftçi”nin qonağı olacaq “Xəzər Lənkəran” qarşıdakı matça ciddi itki ilə çıxa bilər. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib. Klub rəsmisi bildirib ki, “İnter”lə oyunda zədələnərək, meydanı yarımçıq tərk edən Alfred Sanko hələ də məşqlərə başlamayıb. Afrikalı futbolçunun tənəffüs yollarında problem var. Onun “Böyük oyun”a qədər hazır olub-olmayacağı hələ bilinmir.