Millinin məşqçiləri “Xəzər Lənkəran”, “Neftçi”, “İnter” və “Qəbələ”nin oyunlarını izlədilər

Türkiyədə təlim-məşq toplanışında olan Topaz Premyer Liqası klublarının və yığma komandaların hazırlıq prosesini yaxından izləmək məqsədilə Antalya şəhərində səfərdə olan Azərbaycan millisinin məqşçilər korpusu daha bir neçə oyuna baxıblar. Futbolxeber.az-ın məlumatına görə, millimizin baş məşqçisi Robert Prosineçki “Neftçi” - “Hajer” (Səudiyyə Ərəbistanı) oyununu izləyib, sonra R.Prosineçki və Yaşar Vahabzadə “Neftçi”nin baş məqşçisi Arif Əsədovla görüşüblər.

Elxan Abdullayev, Draqan Spasiç, Qordan Tsipriç, Yanko Yankoviç, Faiq Əzizov və Babək Alxasov “Xəzər Lənkəran” - “Çemnitser” (Almaniya), Elxan Abdullayev, Draqan Spasiç, Yanko Yankoviç və Babək Alxasov “Qəbələ” - “Eskişehirspor” (Türkiyə), Faiq Əzizov və Qordan Tsipriç isə “İnter” - “Kayrat” (Qazaxıstan) qarşılaşmasını izləyiblər.