“U-21-in baş məşqçi postuna namizədlər arasında həm yerli, həm də əcnəbi mütəxəssislər var”

“Dünənki görüşdə U-21-in baş məşqçi postuna namizədlər müzakirə olundu. Namizədlər arasında həm yerli, həm də əcnəbi məşqçilər var”. Futbolxeber.az saytına verdiyi açıqlamada bu sözləri AFFA-nın İnformasiya və İctimaiyyətlə Əlaqələr Departamentinin Rəhbəri Mikayıl Nərimanoğlu deyib.

Assosiasiya rəsmisi indidən hansısa mütəxəssisin əminliklə U-21-in yeni baş məşqçisi olacağını söyləməyin düzgün olmadığını bildirib: “Mətbuatda müxtəlif məşqçilərin adları hallanır. Amma indidən hansısa mütəxəssisin U-21-in yeni baş məşqçisi olacağını əminliklə söyləmək erkəndir. AFFA rəhbərliyi bu məsələni müzakirə edir. Dəqiq qərarın nə vaxt veriləcəyini də söyləyə bilmərəm. Heç millini yerli və ya əcnəbi məşqçinin çalışdıracağı da dəqiq bilinmir. AFFA rəhbərliyi konkret namizədi müəyyənləşdirdikdən sonra yekun qərarı İcraiyyə Komitəsi qəbul edəcək”.