“Bakı”nın baş məşqçisi: “Fasilədə hər şeyin müsbətə doğru dəyişəcəyinə ümid edirik”

“Bakı”nın baş məşqçisi İbrahim Uzunca Premyer Liqanın 17-ci turunda AZAL-a 0:3 hesabı ilə uduzduqları oyun haqda danışıb. Futbolxeber.az-ın məlumatına görə, türkiyəli mütəxəssis yenilgini belə şərh edib: “Futbolçularda yorğunluq vardı. Oyunumuz alınmadı. Bütün oyunlarda əsasən eyni futbolçular meydançaya çıxanda bu tip hallar olur. Nəzərə alaq ki, biz çempionata yaxşı hazırlaşa bilməmişik. Amma yenə də hücumlar qurmağa çalışdıq. Əgər hesabı biz açsaydıq, nəticə fərqli olacaqdı. Məğlubiyyəti unudub, qarşıdakı oyunlara baxmalıyıq. “Simurq”la oyundan sonra fasilə yaranacaq. Biz fasilədə hər şeyin müsbətə doğru dəyişəcəyinə ümid edirik”.