Arif Əsədov: "Hakim bizi stressdə saxladı"

Bir az əvvəl başa çatan Xəzər Lənkəran - Neftçi (2-2) oyunundan sonra Neftçinin baş məşqçisi Arif Əsədov jurnalistlərə fikirlərini açıqlayıb: Futbolxeber.az xəbər verir ki, Əsədov oyun haqda bunları deyib: "Bu komandaların oyunu daim prinsipiallığı ilə seçilir. Oyun da bunu göstərdi. Öz komandam haqqında onu deyı bilərəm ki, hesabda geri olsaq da, həm də azlıqda idik. Hesabı bərabərləşdirdik. Hakimliklə bağlı nəsə demək istəmirəm. Təzyiqlərə baxmayaraq hesabı bərabərləşdirdik. Elə hakimlik idi ki, həm biz, həm də rəqib stressdə idi. Hücumda yalnız Nfor olduğu üçün, Emil Balayevin yerinə Vobayı əvəzlədim. Araz Abdullayevə cəza verilib. O əvəzedici heyətə göndərilməyəcək. Klubdaxili qərar veriləcək. Elvin Yunuszadə də bu gün gecikdiyi üçün o da matçın 18-liyinə daxil edilməyib".