“Hakim səhvləri “Bakı”nın Azərbaycan futboluna qazandırmaq istədiyi gənclərə zərbədir”

“Bakı” klubu “Qarabağ”la oyunun hakimlərinin idarəçiliyindən narazı qalsa da, AFFA-ya hər hansı bir şikayət etməyəcək. Bu haqda Futbolxeber.az saytına “zolaqlılar”ın mətbuat xidmətinin rəhbəri İsgəndər İsgəndərov açıqlama verib: “Hakimlərdən şikayət etməyə ehtiyac görmürük. Onsuz da bunun əhəmiyyəti yoxdur. Bizim üçün əsas olan akademiyadan yetişdirdiyimiz futbolçulardı. Bu baxımdan AFFA və PFL-dən də yeganə istəyimiz var. Qoy, hakimlər idarəçiliklərində diqqətli olsunlar. Biz Azərbaycan futboluna gənc simalar qazandırmağa çalışırıq. Hakimlərin səhv qərarları isə bu futbolçulara zərbədir. Bunu nəzərə alsınlar. Biz çalışmalıyıq ki, gənc futbolçularımız həvəsdən düşməsinlər. Bizim istəyimiz sadədir - fair-play”.