"Azərbaycan millisinin baş məşqçisi postuna əsas namizədlərdən biriyəm”

Türkiyəli mütəxəssis Yılmaz Vural milli komandamızın yeni baş məşqçisi ola bilər. Futbolxeber.az-ın məlumatına görə, bu haqda Vuralın özü açıqlama verib: “Azərbaycan milli komandasının baş məşqçi postuna bir neçə namizəd var. Mənim adım da siyahıda var. Mən ən əsas namizədlərdən biriyəm. Azərbaycanda da buradakı qədər sevilirik. Azərbaycana yollananda gömrükdə pasport istəmirlər. Danışığımız, mədəniyyətimiz bir olduğu üçün orada özümü əcnəbi kimi hiss etmirəm. Hər zaman oranın gündəmindəyik”.

61 yaşlı mütəxəssis rəsmi təklif almadığını da vurğulayıb: “Azərbaycan Futbol Federasiyasından rəsmi təklif almamışam. Amma bizim adımız da digər əcnəbilərlə yanaşı masadadır. Azərbaycan millisi potensialı olan bir komandadır. Maddi cəhətdən də dəstəklənir və sürətlə inkişaf edirlər. Bir xeyrimiz dəyərsə, qürur duyarıq” (acunn.com).