“Bir o qalmışdı ki, “Neftçi”ni İŞID-la səhv salsınlar”

“Neftçi” prezidentinin müşaviri Elnur Əşrəfoğlu açıqlama verib. Futbolxeber.az-ın məlumatına görə, o, açıqlamasında millimizin oyunu zamanı “Neftçi” azarkeşləri ilə polis arasında yaşanan insidentə münasibət bildirib: “Neftçi” azarkeşləri hər zaman milliyə dəstək olmaq üçün stadiona yollanırlar. Onlar özləri ilə Azərbaycan bayrağı götürür, matç zamanı komandamızı qələbəyə ruhlandıracaq şüarlar səsləndirirlər. Əgər stadionda heç bir qayda pozuntusu yoxdursa, kənar şüarlar səslənmirsə, polisin azarkeşlərə qarşı kobud davranması düzgün deyil. Problem polisdədir. Buna kimi də dəfələrlər bu oxşar hadisələrlə qarşılaşmışıq”.

Polislərin “Neftçi”nin bayrağının İŞID bayrağı ilə səhv salmaları haqda Əşrəfoğlu deyib: “Neftçi”nin bayrağı İŞID-ın bayrağı ilə səhv salına bilməz. Bizim bayraq ağ-qaradı. “Neftçi”nin bayrağında fərqli, özünəməxsus loqo da var. “Neftçi” İŞID olsaydı, qarşısında heç kim dayana bilməzdi. Bir o qalmışdı ki, bizi İŞID-la səhv salsınlar”.

Mənbə: Sportpress.az