AZAL “Qəbələ” ilə oyunun hazırlıqlarına başladı

Azərbaycan Premyer Liqasında XII turu çərçivəsində “Qəbələ” ilə qarşılaşacaq AZAL bu gündən bu oyunun hazırlıqlarına başlayıb. Futbolxeber.az-ın klubun rəsmi saytına istinadən verdiyi məlumata görə, noyabrın 15-də əvəzedicilərlə yoxlama matçı keçirən “təyyarəçilər” (əsas komanda 5:1 hesabı ilə qələbə qazanıb) 1 günlük istirahətdən sonra yenidən bir araya gəlib. Saat 16:00-da “təyyarəçilər”in “AZAL Arena”da məşqi olub. Bu məşqlə həm də konkret olaraq cümə axşamı baş tutacaq “Qəbələ” matçının hazırlıqlarına start verilmiş olub.