“Neftçi” “Xəzər Lənkəran”ın qarşısına şərt qoydu

“Neftçi” klubu “Xəzər Lənkəran”la oyunun yerinin dəyişdirilməsi ilə qarşı tərəfdən aldığı təklifi cavablandırıb. Futbolxeber.az-ın məlumatına görə, “ağ-qaralar” “Xəzər Lənkəran” - “Neftçi” matçının “Xəzər Lənkəran” Mərkəzi stadionunun ot örtüyünün əsaslı şəkildə yenilənməsi ilə bağlı başqa stadionda təşkil olunmasına etiraz etmir. “Neftçi” məşqçilər korpusunun, futbolçu heyətinin, azarkeşlərin marağının və ən əsası idman prinsiplərinin qorunmasını nəzərə alaraq nominal meydan sahibinin “Xəzər Lənkəran” klubu olaraq qalmasını vacib sayır. Bundan başqa, “Neftçi” PFK XIII turun oyununun keçirilməsi üçün İsmət Qayıbov adına Bakıxanov qəsəbə stadionunu təmənnasız olaraq “Xəzər Lənkəran” klubunun sərəncamına verməyə hazırdır.