“Bakı”nın futbolçusu mənə qarşı iki təhrikedici hərəkət elədi və emosiyalarımı cilovlaya bilmədim”

"Yoxlama oyununda rəqib futbolçu mənə qarşı iki təhrikedici hərəkət elədi və nəticədə emosiyalarımı cilovlaya bilmədim. Bütün hallarda özümə haqq qazandırmıram”. Futbolxeber.az-ın məlumatına görə, bu sözləri “Neftçi”nin futbolçusu Erik Ramos deyib.

“Bakı” ilə yoxlama oyununda Nurlan Novruzova dirsək atdığına görə meydandan qovulan paraqvaylı futbolçu, klubun rəsmi saytına açıqlamasında insidentlə bağlı üzrxahlıq edib: “Hazırlıq oyunu olmasına baxmayaraq belə etməməliydim. Səhvimi anlayıram. Buna görə də klub rəhbərliyindən, məşqçilər heyətindən, komanda yoldaşlarımdan və azarkeşlərdən üzr istəməyi özümə borc bildim. Ümid edirəm ki, onlar məni anlayışla qarşılayacaqlar. Çalışacağam ki, gələcəkdə belə hallar baş verməsin”.