Mahir Şükürov: “Futbol bu oyunla bitmir”

“Qələbə qazanmaq istəyirdik. Təəssüf ki, alınmadı. Buna görə də çox məyusuq”. Futbolxeber.az saytına verdiyi açıqlamada bu sözləri millimizin üzvü Mahir Şükürov deyib.

Norveçlə oyun haqda danışan təcrübəli futbolçu azarkeşlərə minnətdarlıq etməyi də unutmayıb: “Müəyyən səhvlərimiz oldu. Bu səbəbdən də uduzduq. Amma bu oyunla futbol bitmir. Qarşıda hələ çox oyunlarımız var. Çalışacağıq ki, səhvlərimiz üzərində işləyək və növbəti oyunlarda daha yaxşı çıxış edək. Azarkeşlərə minnətdaram. Sağ olsunlar ki, bu gün sona kimi bizi dəstəklədilər”.