Rauf Əliyev: “Futbol oynaya bildiyimizi göstərmək istəyirik”

“Komandamız 10 gündür hazırlıq keçir. Bu müddətdə oyuna istədiyimiz kimi hazırlaşa bildik. Norveçlə oyunda nəticə bizim üçün vacibdir. Vəziyyəti çox yaxşı başa düşürük”. Futbolxeber.az-ın məlumatına görə, bu sözləri millimizin hücumçusu Rauf Əliyev deyib.

Oyunöncəsi mətbuat konfransına qatılan Əliyev məşqçi dəyişikliyinin komandada hiss olunduğunu qeyd edib. Təcrübəli futbolçu sabah özlərini sübut etmək istədiklərini vurğulayıb: “Həmişə deyirdilər ki, günahın 50 faizi Foqtsda, 50 faizi futbolçulardadı. Biz isə sübut etmək istəyirik ki, futbolçularda günah yoxdur. Futbol oynaya bildiyimizi göstərmək istəyirik”.