Milli komandamızın taleyi öz əlində deyil

19 yaşadək futbolçulardan ibarət komandalar arasında Avropa çempionatının ilkin seçmə mərhələsində Azərbaycan yığmasınlın yer aldığı qrupda ikinci tura yekun vurulub. Futbolxeber.az-ın məlumatına görə, Macarıstan və Sloveniya millilərinin görüşü 1:1 hesabı ilə yekunlaşıb. Yığmamız isə Slovakiyaya 1:4 hesabı ilə uduzduğundan, 2 turdan sonra qrupda sonuncu pilləyə yuvarlanıb.

6 xala malik Slovakiya artıq növbəti mərhələyə vəsiqəni təmin edib. Macarlar 2 xalla ikincidirlər. Son turda bu iki komanda üz-üzə gələcək. Slovakiya məqsədinə çatdığından, seçmə mərhələ oyunlarına ev sahibliyi edən Macarıstanın son turda bu komandaya qalib gəlmə ehtimalı yüksəkdir. Meydan sahibləri Slovakiyaya qalib gələcəyi halda isə, milli komandamız son turun nəticəsindən asılı olmayaraq ilk 2 yeri tutmaq şansını itirəcək. Yığmamızın qrupda ikinci yeri tutması üçün son turda Sloveniyanı məğlub etməsi, eləcə də Slovakiyanın Macarıstana uduzmaması lazımdır.