“Neftçi”yə belə liderlik lazım deyil”

“Araz Naxçıvan”ın çempionatdan çıxması haqda eşitmişəm. Buna çox üzülürəm. Belə olmasını istəməzdim”. Futbolxeber.az saytına verdiyi açıqlamada bu sözləri “Neftçi”nin vitse-kapitanı Mirhüseyn Seyidov deyib.

Seyidov başqasının sayəsində deyil, öz gücləri ilə lider olmaq istədiklərini vurğulayıb: “Yaxşı olardı ki, “Araz Naxçıvan” çempionatdakı çıxışını davam etdirsin. Bəziləri deyir ki, Naxçıvan klubu çempionatdan çıxsa, biz lider olacağıq. Mən buna heç fikir vermirəm. Çünki belə liderlik bizə lazım deyil. Başqasının bədbəxtliyinə sevinə bilmərik. Çox istərdim ki, “Araz Naxçıvan” Premyer Liqada qalsın”.