Qurban Qurbanov: “Dnepr”ə sabah uduzsaq belə...”

“Səfərdəki qələbəyə baxmayaraq, sabahkı oyun çox çətin olacaq. Artıq hər iki komanda bir-birini tanıyır”. Futbolxeber.az-ın məlumatına görə, bu sözləri “Qarabağ”ın baş məşqçisi Qurban Qurbanov deyib.

Sabah Avroliqanın qrup mərhələsinin dördüncü turu çərçivəsində “Dnepr”ə qarşı keçiriləcək oyundan öncə mətbuat önünə çıxan təcrübəli mütəxəssis uğur qazanmaq istədiklərini qeyd edib: “Ağır oyun olacaq. Bacardıqca səhvsiz oynamalıyıq. Məqsədimiz yaxşı nəticə qazanmaqdı. Sabah heç-heçə olsa belə, “Dnepr”in qrupdan çıxmaq şansı qalır. Bilirəm ki, rəqib revanş almaq istəyir. Onların da məksimum hədəfləri var. Çalışmalıyıq ki, futbolçuları oyuna tam kökləyə bilək”.

Qurbanov indidən ikinci yer haqda düşünmədiklərini vurğulayıb: “Futbolçularla qrupda ikinci olmaq barədə danışmamışam. Bu barədə düşünsək, səhv edərik. Rəqibi düzgün qiymətləndirmək lazımdı. Vacib olan oyundu. Sabah uduzsaq belə, şansımız qalacaq. Oyundan oyuna tərcübə qazanırıq. İstədiyimiz oyunu qurmağa çalışmalıyıq”.

Təcrübəli mütəxəssis qeyd edib ki, komandası aqressiv oynamalıdır: “Hər bir futbolçumuz aqressiv olmalıdır. Çünki rəqib bizdən də aqressiv olacaq”.