“Burnumuzu sallamamalı, “Qarabağ”la oyuna hazırlaşmalıyıq”

“İrəliyə baxmalıyıq. İndi bizi “Qarabağ” və “Şaxtyor”a qarşı mühüm oyunlar gözləyir. Odur ki burnumuzu sallamamalı, hazırlaşmalıyıq”. Futbolxeber.az-ın məlumatına görə, bu sözləri “Dnepr”in üzvü Artyom Fedotski deyib.

Bakıya gəlməmişdən öncə jurnalistlərin suallarını cavablandıran 29 yaşlı müdafiəçi mütləq qələbə qazanmalı olduqlarını vurğulayıb: “Sabahkı oyun bizim üçün mühüm əhəmiyyət kəsb edir. Qrupdan çıxmaq istəyiriksə, qələbə qazanmalıyıq. Bilirik ki, çətin oyun alınacaq. Onsuz da bizim hər oyunumuz asan alınmır”.

“Qələbə qazanmaq üçün nə etmək lazımdır” sualını Fedotski belə cavablandırıb: “İlk növbədə qol vurmaq lazımdı (gülür). Bunu bacarsaq, hər şey yaxşı olacaq. Belə baxanda oyun ərzində qol epizodları da yaradırıq. Lakin son mərhələdə nəsə alınmır”.