Tanınmış ukraynalı mütəxəssis: “Qarabağ”ı “Dnepr”lə oyunda heç-heçə də qane edəcək”

“Əminəm ki, “Qarabağ”ın baş məşqçisi rəqibin güclü olduğunu anlayır. Buna görə də komandasının oyununu əks-hücumdan quracaq. Kiyevdə onlar bu baxımdan yaxşı təsir bağışladılar” Futbolxeber.az-ın məlumatına görə, bu sözləri Ukrayna milli komandasının və Kiyev “Dinamo”sunun keçmiş baş məşqçisi Yozej Sabo deyib.

Təcrübəli mütəxəssisin fikrincə, sabahkı oyunda “Qarabağ”ı heç-heçə də qane edəcək: “Azərbaycandakı oyunun necə yekunlaşacağını proqnozlaşdırmaq çətindir. Böyük ehtimalla, meydan sahibərini heç-heçə də qane edəcək. “Dnepr” isə bu oyuna psixoloji cəhətdən heç də yaxşı vəziyyətdə çıxmayacaq”.