Tərlan Əhmədov: “Araz Naxçıvan”ın çempionatdan çıxması Azərbaycan futboluna zərbədi”

“Araz Naxçıvan”ın çempionatda çıxmaq istəməsi mənim üçün də qaranlıq qaldı. Məncə bu, inandırıcı deyil. Həqiqətən də çıxmaq istəyirlərsə, əvvəldən niyə oynayırdılar?” Futbolxeber.az saytına verdiyi açıqlamada bu sözləri AZAL-ın baş məşqçisi Tərlab Əhmədov deyib.

Müsahibəsində “Araz Naxçıvan”ın çempionatdan çəkilməsi haqda sualı cavablandıran Əhmədov, bunun Azərbaycan futboluna zərbə olacağını qeyd edib: “Bu addım Azərbaycan futboluna başucalığı gətirmir. Naxçıvanda futbol ənənələri daim olub. Muxtar Respublika da Azərbaycanın ciyər parasıdı. Blokadada olmasınax baxmayaraq, futbol Naxçıvanda da inkişaf etməlidir. Oradan istedadlı futbolçular çıxıb. İndi belə bir qərarın qəbul edilməsini düzgün saymıram. Futbolun inkişafına dair dövlət proqramı var. Bir tərəfdən isə komanda çempionatı tərk edir. Uzun illərdi Azərbaycan futbolunda belə hal yaşanmırdı. Bu, futbolumuza zərbədi”.