“Bakı”ya çox şey borcluyam”

“Bakı”nı “Qarabağ”a dəyişən Namiq Ələsgərov sabiq komandası ilə oyundan sonra verdiyi açıqlamaya aydınlıq gətirib. Futbolxeber.az-ın məlumatına görə, “Bakı”nın feysbuk səhifəsinə müraciət edən gənc futbolçu fikirlərinin düzgün anlaşılmadığını qeyd edib: “Mən dediyim sözləri duz başa düşməyiblər. Pis heç nə deməmişəm. Demişəm ki, “Baki” yaxşı oynadı. Buna görə təbrik edirəm. “Bakı”ya qarşı heç vaxt hörmətsizlik etmək istəmərəm. Neçə il klubun çörəyini yemişəm. “Bakı”ya çox şey borcluyam”.