“Səmədovun bu dəfə azərbaycanlı azarkeşlərlə problem yaşayacağına inanmıram”

“Azərbaycan millisi taktiki cəhətdən çox savadlı komandadır. 8-9 il əvvəllə müqayisədə indi onlar daha güclüdürlər. Hazırda komandanı əcnəbi mütəxəssis çalışdırır”. Futbolxeber.az-ın Sportbox.ru-ya istinadən verdiyi məlumata görə, bu sözləri Azərbaycan millisi haqda danışarkən Rusiya yığmasının kapitanı Vasili Berezutski deyib.

Berezustki Aleksandr Səmədovla bağlı sualı belə cavablandırıb: “Bu dəfə biz Bakıda deyil, Moskvada oynayırıq. Ona görə də Səmədovun yenidən azarkeşlərlə bağlı problem yaşayacağına inanmıram. Amma Moskvada da xeyli azərbaycanlı yaşayır. Ona görə də kiçik çətinliyin olması istisna deyil. Digər tərəfdən də oyun yoxlama xarakteri daşıyır”.