“Düşünmürəm ki, Azərbaycanla oyun Kapellodan həddən artıq fiziki güc və əsəb sərf olunmasını tələb edəcək”

“Mənim fikrimcə, Azərbaycan millisi rəqib qismində bizim üçün çox yaxşı və uğurlu seçimdir”. Futbolxeber.az-ın “Sport-Ekpressə” istinadən verdiyi məlumata görə, bu sözləri Rusiya milli komandasının sabiq baş məşqçisi Boris İqnatyev deyib.

73 yaşlı mütəxəssis Kapellonun yığmamızla oyunda çox əziyyət çəkməyəcəyini düşünür: “Azərbaycanla oyunda xətlərarası əlaqəni bir daha sınaqdan keçirmək olar. Düşünmürəm ki, Azərbaycanla oyun Kapellodan həddən artıq fiziki güc və əsəb sərf olunmasını tələb edəcək. Əks halda, biz növbəti oyuna tam hazır vəziyyətdə çıxa bilmərik”.