“Azərbaycanda çoxları son tsikldəki çıxışımızdan razı qaldı, amma mən yox”

“Son seçmə mərhələdə bəzi oyunlarda bəxtimiz gətirmədi. Bundan başqa, bizim digər problemimiz də var. Belə ki, nisbətən zəif rəqiblərlə oyunlarda futbolçularım matça lazımı səviyyədə köklənə bilmirlər. Halbuki Rusiya kimi komandalarla oyunlarda vəziyyət tam fərqli olur. Elə Moskvadakı oyunda sona yaxın mübahisələri penalti sayəsində məğlub olduq”. Futbolxeber.az-ın “Sport-Ekspress”ə istinadən verdiyi məlumata görə, bu sözləri milli komandamızın baş məşqçisi Berti Foqts deyib.

Alman mütəxəssis növbəti dəfə AVRO-2016-nın final mərhələsində oynamaq istədiklərini bildirib: “Azərbaycanda çoxları bizim son seçmə mərhələdəki çıxışımızdan razı qaldı, amma mən yox. İndi bizim yeni mərhələ gözləyir. Bəxt bizim tərəfimizdə olsa, həmçinin futbolçularım hər oyuna ciddi yanaşsalar, biz AVRO-2016-nın final mərhələsində çıxış edə bilərik”.