Foqts: “Rusiya ilə oyunda futbolçularımdan yalnız qələbə tələb edəcəyəm”

“Məni təhrik edirlər ki, milliyə legioner həyatı yaşayan futbolçuları çağırım. Çünki vaxtı ilə mən bu barədə danışmışdım. Amma Türkiyə və ya Almaniyanın ikinci liqasının nəzərdə tutmurdum. Azərbaycan yüksək liqası səviyyəcə onlardan geri qalmır. Əgər, sərəncamımda olan futbolçular İngiltərə, İspaniya, İtaliya, Almaniya kimi ölkələrin yüksək liqasında oynasaydı...” Futbolxeber.az-ın “Sport-Ekspress”ə istinadən verdiyi məlumata görə, bu sözləri milli komandamızın baş məşqçisi Berti Foqts deyib.

Alman məşqçi Rusiya ilə oyunda qələbə qazanmaq istədiklərini bildirib: “Heyətlə bağlı eksperiment edib-etməyəcəyim qoy, sürpriz olsun. Yalnız bir şeyi deyə bilərəm: sabakı oyunda futbolçularımdan yalnız qələbə tələb edəcəyəm. Bu, bizim üçün xüsusi oyundur”.