A.Şahgəldiyev: “Gecə 12-yə kimi vaxt var”

Azərbaycan Premyer Liqasında yay transfer pəncərəsi bu gün bağlanır. Bu haqda Futbolxeber.az saytına Peşəkar Futbol Liqasının İnformasiya və İctimaiyyətlə Əlaqələr Departamentinin rəhbəri Aslan Şahgəldiyev məlumat verib: “Bəli, bu gün transfer pəncərəsinin son günüdür. Gecə saat 12-yə kimi vaxt var. Son günlər hər hansı bir komanda yeni oyunçu sifariş etməyib”.

“Transfer pəncərəsi bağlandıqdan sonra hansı halda komanda sifariş vərəqəsinə yeni oyunçu adı daxil edə bilər” sualını A. Şahgəldiyev belə cavablandırıb: “Əgər, hansısa oyunçunun transfer vərəqi özündədirsə, ya da transfer vərəqini əvvəlki klubundan avqustun 31-nə kimi alıbsa, həmin futbolçunun adı avqustun 31-dən sonra da iştirak ərzisinə daxil edilə bilər”.