“Sumqayıt”ın baş məşqçisi: “Liderliyimizi təsadüf yox, reallıq kimi qəbul etməliyik”

“İlk hissədə qol vursaq da, mən daha çox ikinci hissədən razı qaldım. Qələbə qazandıq”. Futbolxeber.az-ın məlumatına görə, bu sözləri “Araz Naxçıvan”la oyundan sonra “Sumqayıt”ın baş məşqçisi Aqil Məmmədov deyib.

Gənc məşqçi komandaya dəstək olan azarkeşlərə minnətdarlıq edib: “Düşünürəm ki, bu oyunda azarkeşlər bizə çox yardım etdilər. Uduzanda da, udanda da bizim yanımızdadırlar. Bu oyunu unudub qarşıdakı matçlara hazırlaşmalıyıq. Turnir cədvəlinin lideriyik. İndiki məqamda bunu təsadüf yox, reallıq kimi qəbul etməliyik. Məqsədimiz çempionluq yox, ötənilki ilə müqayisədə daha yaxşı nəticə qazanmaqdır”.