Oğuz Çətin: “Klub prezidentinin dəstəyi bizim üçün çox vacib idi”

“Uğursuz oyunlardan sonra belə qələbəyə ehtiyac vardı. Əvvəlki görüşlərdə yaxşı oynayıb, qol epizodu yaratsaq da, istədiyimizə nail ola bilmirdik. Odur ki, belə qələbəyə ehtiyac vardı”. Futbolxeber.az-ın məlumatına görə, bu sözləri “İnter”lə oyundan sonra “Xəzər Lənkəran”ın baş məşqçisi Oğuz Çətin deyib.

Türkiyəli mütəxəssis çətin gündə komandanın yanında olan klub rəhbərliyinə minnətdarlıq edib: “Çox ağır oyunlardan öncə bir-birinə dəstək vermək, bir ailə kimi olmaq çox vacibdir. “Simurq” məğlubiyyətindən sonra klub prezidenti Mais Mənsimov hər gün komandanın yanında idi və bizə çox böyük dəstək verdi. Bizim üçün bu çox vacib idi. Oyuna bir ailə kimi hazırlaşdıq. Futbolçularımı göstərdikləri mübarizəyə görə təbrik edirəm. Qələbə qazanmaq üçün hər şeyi etdik. Bu gün bir daha gördük ki, azarkeşlərimiz bizə dəstək olduğu zaman komandamız daha da yaxşı oyun göstərir. Bu gün onlar da bizə çox ciddi dəstək verdilər. Bu qələbə qarşıdakı oyunlarda daha inamlı çıxış etməyimizə kömək edəcək. “İnter” kimi komandaya qarşı oynamaq asan deyil. Futbolçuların üstün mübarizə əzmi və verilən taktiki tapşırıqların tam yerinə yetirilməsi qələbə qazanmağımızda rol oynadı”.