Əmrah Çəlikəl: “Rəqibin kimliyindən asılı olmayaraq...”

"Qarabağ" klubunun direktoru Əmrah Çəlikəl Avropa Liqasının qrup mərhələsinin püşkünü dəyərləndirib. Qol.Az-ın müxbir ilə söhbətində o, rəqibləri haqda indidən danışmağın tez olduğunu deyib: "Hələ ki, bu barədə danışmaq çox tez olar. Amma Rəqibin kimliyindən asılı olmayaraq, biz bacardığımızın ən yaxşısını edəcəyik" - deyə Ə.Çəlikəl bildirib.

Qeyd edək ki, Avropa Liqasının F qrupunda qərarlaşan "Qarabağ" "İnter" (İtaliya), "Dnepr" (Ukrayna) və "Sent Etyen" (Fransa) klubları ilə mübarizə aparacaq.

Əlavə edək ki, Ə.Çəlikəllə yanaşı bu gün “Qarabağ”ın rəhbərlərindən olan Fevzihan Aras və klubun baş meneceri Asif Əsgərov da Avroliqanın püşkatma mərasimində iştirak edib.