“Xəzər Lənkəran”la oyundan əvvəl “İnter” üçün şad xəbər

“İnter”in zədəli futbolçularının durumuna aydınlıq gəlib. Bir müddətdir zədədən əziyyət çəkən İvan Benitesin durumu yaxşılaşıb. Bu haqda Futbolxeber.az saytına “İnter”in mətbuat xidmətinin rəhbəri Səbuhi Məmmədov məlumat verib.

Klub rəsmisi qeyd edib ki, təxminən 2 həftə əvvəl məşqdə xəsarət alan Benites zədəsini tam bərpa edib və qarşıdakı turda “Xəzər Lənkəran”a qarşı oyunda baş məşqçi şans verəcəyi halda meydana çıxa biləcək. Eləcə də son turda yüngül ağrıları olan Mikel Alvaronun da Lənkəranda meydana çıxmaması üçün heç bir problem yoxdu.

Əvəzində Mirzağa Hüseynpurun zədəsi hələ də davam edir. O, komandayla birgə Lənkərana aparılmayacaq.