Xaqani Məmmədov: “Hakim Çerana qırmızı vərəqəni düzgün verib”

AFFA Hakimlər Komitəsinin sədri Xaqani Məmmədov Elvin Əsgərovun “Simurq”un üzvü Draqan Çerana göstərdiyi qırmızı vərəqəyə münasibət bildirib. X. Məmmədov Futbolxeber.az saytına verdiyi açıqlamada hakimin düzgün qərar qəbul etdiyini bildirib: “Çeran birinci dəfə deyil ki hakimləri təhqir edir. Buna bənzər hadisə ötən mövsüm də baş vermişdi. Həmin vaxt Çeranın komanda yoldaşları da təsdiqlədilər ki, futbolçu söyüş söyüb. Hanısa oyunda penalti və ya qırmızı vərəqə olursa, mən qarşılaşmadan dərhal sonra həmin hakimlə danışıram. Elə Elvinlə də danışarkən o bildirdi ki, “mən futbolçunu sakitləşdirməyə çalışırdım. O isə məni təhqir etdi”. Buna görə Elvin Əsgərov Draqan Çerana qırmızı vərəqəni düzgün verib”.