“Qarabağ” bu gün Hollandiyaya yollanır

“Qarabağ” Hollandiyaya yollanır. Futbolxeber.az-ın klubun rəsmi saytına istinadən verdiyi məlumata görə, Avroliqanın ley-off mərhələsinin cavab oyunu çərçivəsində səfərdə “Tvente” ilə qarşılaşacaq Ağdam təmsilçisi bu gün adıçəkilən ölkəyə səfər edəcək. “Qarabağ” 15:00-da birbaşa reysi ilə hərəkət edəcək. Oyunun keçiriləcəyi Enshede şəhərində hava limanı olmadığından ağdamlılar ora ən yaxın hava limanı olan Almaniyanın Münster şəhərinə uçacaq. Münsterdən isə komanda 1 saatlıq məsafədə olan Enshede şəhərinə yollanacaq. “Qarabağ” sabah oyunun keçiriləcəyi stadionda və vaxtda sonuncu məşqinə çıxacaq.

Qeyd edək ki, “Tvente” - “Qarabağ” oyunu avqustun 28-də saat 22:30-da start götürəcək.