“Xəzər Lənkəran”ın yeni transferi Zaqatalada meydana çıxacaq

“Xəzər Lənkəran” yeni transferi Cahangir Həsənzadənin adını çempionatda iştirak üçün PFL-ə təqdim etdiyi sifariş vərəqəsinə daxil edib. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib: “Həsənzadənin keçidi ilə bağlı bütün lazımı işlər görülüb. Transfer vərəqəsi də artıq bizdədir. Onun adı iştirak ərizəsinə daxil edilib. Cahangir Həsənzadənin sabah “Simurq”a qarşı keçiriləcək oyunda meydana çıxmaması üçün heç bir səbəb yoxdur. Baş məşqçi şans verəcəyi halda, o, oyunda iştirak edəcək”.

Klub rəsmisi əlavə edib ki, artıq komanda əcnəbi qapıçı axtarışlarını dayandırıb.