“Qarabağ”ın futbolçusu: “Tvente” məndən komandam haqqında məlumat istədi”

“Qarabağ”ın üzvü Leroy Corc Hollandiya mətbuatına açıqlama verib. Futbolxeber.az-ın məlumatına görə, Corc “Tvente”nin ondan “Qarabağ” haqda informasiya almaq istədiyini bildirib: “Tvente"yə qarşı yenidən oynamaq xoşdur. Onlar məndən komandam haqda məlumat verməyimi xahiş etdilər. Lakin mən "Qarabağ" haqda onlara çox məlumat verə bilmərəm. Onu deyə bilərəm ki, beş il öncə ilə müqayisədə hər iki komandada xeyli dəyişikliklər olub. 5 il öncəki heyətdən yalnız Vüqar Nadirov, Rəşad Sadıqov, Maksim Medvedyev, Namiq Yusifov, Admir Teli və baş məşqçi Qurban Qurbanov qalıb. "Tvente" bizim Çempionlar Liqasında güclü "Zalsburq" klubuna məğlub olduğumuzu bilir. Lakin biz Avstriya təmsilçisini evdə 2:1 hesabı ilə məğlub etdik”.