“Elfsborq”un məşqçisi: “İnter”ə asanlıqla təslim olmayacağıq”

“Komandamız son 3-4 oyunda çox zəif təsir bağışlayıb. Əvvəlcə “İnter”ə, daha sonra isə “Norrkopinq”ə uduzduq. Buna baxmayaraq, sabah daha yaxşı oyun sərgiləyəcəyimizə inanıram. Bu, bizim üçün çox mühüm oyundur”. Futbolxeber.az-ın məlumatına görə, bu sözləri “Elfsborq”un məşqçisi Yanne Mian deyib.

Sabah “İnter”ə qarşı keçiriləcək oyun barədə danışan Mian, rəqibin oyununu yaxşı təhlil etdiklərini bildirib: “İnter”in “Tiraspol”a qarşı keçirdiyi hər iki oyunu izləmişik. Bizim komandamız əsasən evdə daha yaxşı oynayır. İlk oyunda fərqlənmək şansımız olsa da, bundan istifadə edə bilmədik. “İnter” də yaxşı komandadır. Xüsusən də onların orta xətti güclüdür. Bütün bunlara baxmayaraq, biz “İnter”ə asanlıqla təslim olmayacağıq. III mərhələyə vəsiqə əldə etmək üçün sona qədər mübarizə aparacağıq”.