Elvin Məmmədov: “…cavab oyununda meydana çıxa bilərəm”

“Tibbi müayinədən keçdim. Ciddi problem yoxdur. Ayağımda bir balaca şiş və dartınma var”. Futbolxeber.az saytına verdiyi açıqlamada bu sözləri “İnter”in üzvü Elvin Məmmədov deyib.

Təcrübəli futbolçu məşqlərə 1 həftədən sonra başlayacağını qeyd edib: “Hazırda fizioterapevt nəzarəti altında çalışıram. Həkimlər bildirdi ki, 1 həftədən sonra məşqlərə başlaya bilərəm”.

“İnter” “Elfsborq”u mübarizədən kənarlaşdırsa, üçüncü mərhələ komandana kömək edə biləcəksənmi” sualını Elvin Məmmədov belə cavablandırıb: “Gəlin, tələsməyək. İnşallah, ilk növbədə “İnter” “Elfsborq”u keçməlidir. İnanıram ki, komandamız bunu bacaracaq. Əgər, III mərhələyə adlasaq, ümid edirəm ki, heç olmasa cavab oyununda meydana çıxa bilərəm”.