“Qarabağ” ÇL-də mərhələ adlayan 5-ci Azərbaycan klubu oldu

Çempionlar Liqasının II təsnifat mərhələsində “Qarabağ” Maltanın “Valletta” klubunu iki oyunun nəticəsinə əsasən 5:0 hesabı ilə üstələyib. Futbolxeber.az-ın araşdırmasına görə, bununla da Ağdam klubu debüt etdiyi qitənin ən mötəbər klub turnirində ilk cəhddəcə mərhələ adlayıb. “Qarabağ” həm də ÇL-də mərhələ adlayan beşinci Azərbaycan klubu olub. Ağdam təmsilçisinə qədər yalnız “Şəmkir”, “Neftçi”, “İnter” və “Bakı” ÇL-də mərhələ adlamağa müvəffəq olub. “Neftçi” 3 (2004-05, 2005-06, 2012-13) “Şəmkir” (2000-01), “İnter” (2008-09) və “Bakı” (2009-10) isə hərəyə bir dəfə ÇL-də mərhələ adlamaq sevinci yaşayıblar.