"Atletiko"ya qarşı "All Star of Azerbaijan"ın oynaması təşəbbüsü Hafiz Məmmədova məxsusdur"

"Atletiko"ya qarşı təkcə "Bakı"nın deyil, Azərbaycanın ulduz futbolçularından ibarət komanda - “All Star of Azerbaijan" mübarizə aparacaq. Bu haqda Futbolxeber.az-a "Bakı"nın icraçı direktoru Yaşar Seyidov məlumat verib. Seyidov bu təşəbbüsün klub prezidenti Hafiz Məmmədova məxsus olduğunu bildirdi: "Klub prezidenti Hafiz Məmmədovun təşəbbüsü ilə “Atletiko” önünə Azərbaycanın üzdə olan oyunçularının çıxması məqsədəuyğun sayıldı. Çünki bu oyun mərhum prezidentimiz Heydər Əliyevin 90 illik yubileyi ərəfəsində baş tutacaq. Bu üzdən tək “Bakı”nın yox, Azərbaycanın futbolçularının bu görüşdə iştirak etməsi daha yaxşı olardı. Bu görüşdə hansı futbolçular və hansı hakimlər briqadasının meydanda olacağına sabah aydınlıq gələcək. Ancaq onu deyə bilərəm ki, burda ölkəmizdə çıxış edən legioner futbolçular olmayacaq. Komandamızın tərkibini üzdə olan azərbaycanlı oyunçular təşkil edəcək. İnanmıram ki, digər klublar öz yerli oyunçularını bu matça buraxmasınlar".