Rodolfo Vanoli: “Neftçi” kimi mən də təcrübəliyəm”

“Azərbaycanda olduğumuz üçün çox şadıq. “Neftçi” tərəfi bizim rahatlığımız üçün hər şeyi edib. Çox güclü komandaya qarşı oynayacağıq. Bilirik ki, rəqibin Avropada böyük təcrübəsi var”. Futbolxeber.az-ın məlumatına görə, bu sözləri Avroliqanın II təsnifat mərhələsində “Neftçi”nin rəqibi olan Sloveniyanın “Koper” klubunun baş məşqçisi Rodolfo Vanoli deyib. Futbolxeber.az-ın məlumatına görə, bu gün Bakıda oyunöncəsi mətbuat konfransı keçirən italyan məşqçi, “Neftçi” kimi özünün də təcrübəli olduğunu qeyd edib:“Mən də təcrübəli məşqçiyəm. “Udineze”, ÇSKA Sofiya kimi klublarda çalışmışam. Hər kəsə məlumdur ki, bu mərhələ iki oyundan ibarətdir. Daha mühüm olan cavab görüşüdür. Qalib iki oyundan sonra bəlli olacaq. Heyətimizdəki futbolçulara güvənirəm. İnanıram ki, onlar “Neftçi” kimi güclü rəqibə qarşı oynaya biləcəklər. Kapitanımız da futbolçuları meydanda motivasiya etməyə çalışacaq”.

Vanoli rəqibdən çəkinmədiklərini bildirib: “Bizim də oyun fəlsəfəmiz var. Çempionatımızda güclü komandalar var. Biz onlara qarşı oynayıb, qələbə də qazanmışıq. Buna görə də komandam meydana uğur qazanmaq üçün çıxacaq”.