“Koper”in kapitanı: “İsti hava oyunumuza təsir edəcək”

“Koper”in kapitanı İvitsa Quberaç sabah Avroliqanın II təsnifat mərhələsinin ilk oyunu çərçivəsində Bakıda “Neftçi”yə qarşı keçirəcəkləri oyun barədə danışıb. Futbolxeber.az-ın məlumatına görə, o, hava şəraitindən gileylənib: “Güclü rəqibə qarşı oynayacağımızı bilirik. Hava şəraitini də nəzərə almalıyıq. Hava çox istidir. Bu da oyunumuza təsir göstərəcək”.

26 yaşlı futbolçu əsasən öz oyunlarını düşündüklərini bildirib: “Əsas diqqətimizi öz oyunumuza yönəltmişik. “Neftçi” güclüdür, düzdür, amma bizə daha güclü rəqiblər də düşə bilərdi. Odur ki meydana çıxıb uğur qazanmağa çalışacağıq”.