“İnter” İsveçdə dəstəksiz qalmayacaq

İyulun 17-də Avroliqanın II təsnifat mərhələsinin ilk oyunu çərçivəsində səfərdə “Elfsborq”un qonağı olacaq “İnter” çətin oyunda dəstəksiz qalmayacaq. Futbolxeber.az-ın məlumatına görə, İsveçdə yaşayan həmyerlilərimiz “bankirlər”i yalnız buraxmayacaqlar. Azərbaycanlı futbolsevərlər artıq “İnter” rəhbərliyinə müraciət ediblər. “İnter” tərəfi də fanatların stadiona rahat şəkildə keçməsi üçün şərait yaradılacağını, futbolsevərlərin biletlə təmin olunacağını bildirib.

Xatırladaq ki, ötən il “Qarabağ” səfərdə “Gefle” ilə qarşılaşarkən İsveçdə yaşayan həmyerlilərimiz Ağdam klubunu yalnız buraxmamışdılar. İndi də həmyerlilərimiz “İnter”i dəstəkləyəcəklər.