Bojiç, Çertoqanov, Flavinyo, Taktak və Sialmas 1 oyunluq cəzalandı

Bu gün AFFA İntizam Komitəsinin iclası keçirilib. Futbolxeber.az-ın məlumatına görə, Topaz Premyer Liqasının XXVII turunun “İnter” - “Simurq”  matçının 30-cu dəqiqəsində “Simurq” klubunun 30 №-li futbolçusu Mario Bojiç idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur.

Topaz Premyer Liqasının XXVII turunun “Neftçi” - “Qəbələ”  oyunun 65-ci dəqiqəsində “Qəbələ” klubunun 18 №-li futbolçusu Aleksandr Çertoqanov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur. Matçın 66-cı dəqiqəsində “Neftçi” klubunun 9 №-li futbolçusu Flavio Aleks Valensio idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur.

Topaz Premyer Liqasının XXVII turunun “Xəzər Lənkəran” – “Sumqayıt”  oyunun 86-cı dəqiqəsində “Sumqayıt” klubunun 6 №-li futbolçusu Taner Taktak idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur. Matçın 90+2-ci dəqiqəsində “Xəzər Lənkəran” klubunun 11 №-li futbolçusu Dmitrios Sialmas əllə oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur.