“İnter” - “Tiraspol”: biletlərin qiyməti açıqlandı

Avroliqanın I təsnifat mərhələsinin cavab oyunu çərçivəsində keçiriləcək “İnter” - “Tiraspol” matçının biletləri tezliklə satışa çıxacaq. Bu haqda Futbolxeber.az saytına “bankirlər”in mətbuat xidmətinin rəhbəri Səbuhi Məmmədov məlumat verib.

O qeyd edib ki, hazırda “Şəfa” stadionunun giriş qapısında kassa quraşdırılır. Biletlər isə böyük ehtimalla, bazar ertəsindən satışa çıxacaq. Qiymətə gəldikdə isə sektordan asılı olmayaraq, biletlərin qiyməti 1 manat olacaq.

Xatırladaq ki, “İnter” ilk oyunda səfərdə “Tiraspol” 3:2 hesablı qələbə qazanıb. Komandalar arasında cavab görüşü iyulun 10-da baş tutacaq.