“İnter” “Tiraspol”la cavab oyununun hazırlıqlarına başladı

Avroliqanın I təsnifat mərhələsinin cavab oyunu çərçivəsində öz meydanında Moldovanın “Tiraspol” klubunu qəbul edəcək “İnter” artıq qarşıdakı matçın hazırlığına başlayıb. Bu haqda Futbolxeber.az saytına “bankirlər”in mətbuat xidmətinin rəhbəri Səbuhi Məmmədov məlumat verib.

O qeyd edib ki, bu gün səhər saatlarında komanda üzvləri bərpa məşqinə çıxıblar. Oyun gününə kimi “İnter” gündə 1 dəfə məşq edəcək.  

Xatırladaq ki, “İnter” ilk oyunda səfərdə 3:2 hesablı qələbə qazanıb. Komandalar arasında avab görüşü iyulun 10-da baş tutacaq.