Moldova millisinin qapıçısı: “İnter” “Tiraspol”dan daha yaxşı oynadı"

Moldova millisinin qapıçısı, AZAL-ın yeni transferi Stanislav Namaşko Avroliqanın I təsnifat mərhələsinin ilk oyunu çərçivəsində baş tutan “Tiraspol” - “İnter” (2:3) matçı haqda danışıb. Futbolxeber.az saytına verdiyi açıqlamada moldovalı qolkiper “bankirlər”in qələbə layiq olduğunu bildirib: “İnter” “Tiraspol”dan daha yaxşı oynadı. Bunda isə erkən qolların böyük rolu oldu. “İnter”in çıxışı xoş təsir bağışladı. Lakin son 10 dəqiqədə onlar üstünlüyü “Tiraspol”a verdilər”.

Öz evindəki yenilgiyə baxmayaraq, Namaşako “Tiraspol”un mərhələ adlamaq şansını heç də az olmadığını düşünür: “Təbii ki, “Tiraspol”un mərhələ adlamaq şansı hələ də qalır. Özü də bu şans az deyil. 0:3-dən sonra “Tiraspol” futbol oynamağı bacardığını göstərdi”.