Flavinyo: “Dinamo”yla oyunun nəticəsini uğurlu hesab etmək olar”

“Neftçi” PFK-nın futbolçusu Flavinyo klubun rəsmi saytına açıqlama verib. Futbolxeber.az-ın məlumatına görə, o, ötən gün Kiyev “Dinamo”suna qarşı keçirilmiş oyunla bağlı fikirlərini bildirib: “Bu bizim Avstriyada ilk oyunumuz idi. Boludakı hazırlıqdan sonra yorğunluq fonunda “Dinamo” kimi rəqibə qarşı oynamaq heç də asan deyil. “Dinamo”nun əsas heyətlə oynadığını nəzərə alsaq, nəticəni uğurlu hesab etmək olar. Amma bizim üçün önəmli olan nəticə deyil, komandamızın oyunudur. Belə güclü rəqiblərlə oynamaq bizim üçün çox xeyirlidir. Oyundan razı qaldım. Bununla belə, daha da hazır vəziyyətdə olmaq üçün kifayət qədər vaxtımız var. Avrokuboklara yaxşı əhval-ruhiyyədə və yüksək səviyyədə hazırlaşırıq. Hələ qarşıda bir neçə hazırlıq oyunumuz da var. Azarkeşlərimiz bilsinlər ki, Avroliqada onları sevindirmək üçün əlimizdən gələni edəcəyik”.