“İnter”ə keçdiyim üçün sevinirəm”

“İnter” gürcüstanlı futbolçu Aleksandr Amisulaşvili ilə güclənib. Futbolxeber.az-ın məlumatına görə, bu səhər klub, futbolçu ilə 1 illik müqavilə bağlayıb. "İnter"in prezidenti Georgi Nikolov futbolçuya yeni komandada uğurlar arzulayıb. Gürcü futbolçu isə "İnter"ə keçidi haqqda klubun rəsmi saytına bunları deyib: “Sevinirəm ki, bu komandaya keçdim. "İnter"in sıralarına qoşulduğum ilk gündən hər şey xoşuma gəldi. Komandanın çox mehriban kollektivi var. Çox istərdim ki, avrokuboklarda və ölkə çempionatında yaxşı çıxış edək. Yeni komandama uğur qazanmaq üçün öz köməyimi əsirgəmiyəcəyəm".

Qeyd edək ki, Aleksandr Amisulaşvili "İnter"də 5 nömrəli formanı geyinəcək.